Pasditen e sotme, rreth orës 18:40, në fshatin Vllahinë dyshohet se për motive të dobëta, janë konfliktuar me sende të forta dy të moshuar me iniciale L. Sh. dhe A. Sh., të dy rreth moshës 70 vjeç.
Si pasojë e konfliktit, është dëmtuar lehtë i moshuari me inicialet L. Sh, i cili ndodhet jashtë rrezikut për jetën, ndërkohë i moshuari tjetër A. Sh, është shoqëruar në Komisariatin e Policisë Vlorë.
Gjithashtu policia e Vlorës njofton se pasditen e sotme, në lagjen “1 Maji”, Vlorë, është gjetur në banesën e tij, pa shenja jete një person me inicialet, L. A, 76 vjeç, i cili jetonte vetëm. Nga hetimet paraprake dyshohet vdekje natyrale.
Grupi hetimor ndodhet në vendngjarje dhe po punon për sqarimin e plotë të rrethanave të të dyja ngjarjeve.
Discussion about this post