Një ditë pas Kongresit të PS ka reaguar ish-kryeministri Sali Berisha. Sipas tij kongresi u parapri nga një ngjarje e rëndësishme, legalizimi i drogës por ka komnentuar edhe reagimet e kryeministrit Edi Rama në lidhje me çështjet e inceneratorëve. Ish kryeministri shton se Kongresi mbaroi, por në të vërtetë Ramës sipas tij “i hyri dhe më thellë lepuri në bark”.
“Miq, kongresi i djeshëm i PS u parapri nga ngjarje të rëndësishme: legalizimin e drogës dhe tërbimin e Edvinit në studion e Opinion të enjten që kaloi për aferën e djegsave. Kështu, kongresi filloi si Kanabo-Kongres dhe përfundoi si SPAK dhe Sali Kongres, me fjalë të tjera si kongresi i Lepurit në Bark. Dje kreu i organizatës kriminale, në një fjalim të denjë për dajon e tij Koleka që kërkonte në dhjetor të vitit 1990 të futeshin tanket kundër studenteve, ulërinte i tmerruar ‘erdhi Saliu apo Berisha ante portam’. Njëlloj si dajua e tij xhelat i shqiptareve Spiro Koleka, që kërkonte të shtypej me tanke opozita, Rama thërriste i trembur gjer në palce ‘në djall të vejë opozita’ dhe çirrej në kupë të qiellit ndihmë ndihmë dhe me klithmat skape, skape ndërsente SPAK-un e Partisë”, shkruan Berisha.
Pasi kryeministri Edi Rama kritikoi një ditë më parë SPAK, gjatë fjalës së tij në Kongresin e PS, se përse nuk kishte hetuar ish-kryeministrin pasi SHBA e shpalli ‘non grata’.
Në Facebook, Berisha shkruan se Rama është ‘trembur deri në palcë’.
Discussion about this post