Pasi fitoi titullin kampion me Juventusin, Interin dhe Chelsean trajneri Antonio Konte tashmë ka një sfidë të madhe për të udhëhequr Tottenhamin drejt suksesit. Tekniku italian ka theksuar se sfida më e madhe në karrierën e tij është pikërisht suksesi me skuadrën londineze.
“Kjo është një sfidë e madhe për mua… më e madhja, sigurisht, po. Po flas për vështirësitë që po kalojmë. E dimë që për momentin niveli i ekipit është mesatar. Ne të gjithë e dimë. Jo vetëm unë, por edhe lojtarët. Por kjo nuk mund të bëhet alibi apo justifikim. Duhet ta përballojmë këtë situatë për ta shtyrë veten të përmirësohemi dhe të shikojmë lart. Situata nuk është e lehtë, sepse ju e dini se ka të paktën katër klube më të forta. Jam mësuar të luftoj për të fituar diçka, për të qenë konkurrues”, tha Antonio Konte.
Discussion about this post