Kontrata e Erling Haaland me Borussia Dortmund do të përfundojë në vitin 2024, ndërsa së shpejti lojtari do duhet të marrë një vendim të rëndësishëm për të ardhmen e tij.
Sipas ‘Bild’ gjermanët i kanë vendosur norvegjezit si afat fundin e shkurtit për të rinovuar kontratën. Po sipas kësaj mediaje klubi BVB do të ishte i gatshëm të bënte përpjekje të mëdha financiare për të vazhduar kontratën me 21-vjeçarin.
Megjithatë nëse Haaland, do të donte të largohej verën e ardhshme, klubi do të dëshironte të ishte në gjendje të organizohej për të gjetur një zëvendësues, ndaj po këmbëngul që lojtari të marrë një vendim.
Rikujtojmë që në mes të muajit dhjetor agjenti i lojtarit, Mino Raiola, ka takuar presidentin e Barcelonës, Joan Laporta, me synimin për një transferim të mundshëm në të ardhmen.
Bazuar në deklaratat e Raiola-s, Haaland do të kishte “shanse të mëdha” për t’u larguar në fund të sezonit, për t’iu bashkuar një ekipi të madh si Bayern Munich, Real Madrid, Manchester City apo Barça./K.T/Gijotina.com
Discussion about this post