Korçë/ Rrëshqet toka në fshatin Çorravë, rrezikohet jeta e banorëve

Rrëshqitja e një masivi dherash ka vënë në rrezik një banesë në fshatin Çorravë të Korçës, ku jetojnë dy familje.

Sipas banorëve, toka ka rrëshqitur vetëm disa metra larg shtëpisë dhe çdo shtim i lagështisë mund ta çojë dheun drejt godinës.

Ndërhyrja e natyrshme nga vreshtat dhe pemët rreth zonës ka ndaluar deri tani përplasjen e masës së dherave me banesën, duke shmangur një incident të rëndë. Megjithatë, rreziku vijon të jetë i pranishëm, pasi zhvendosja e dheut nuk është ndalur plotësisht.

Në shtëpinë e kërcënuar jetojnë dy familjet Kapa, të cilat kanë disa anëtarë dhe po përballen me pasiguri për jetën dhe pronën e tyre.