Deputeti demokrat Saimir Korreshi, i cili shquhet për batutat që përdor gjatë seancave plenare apo deklaratave publike, ka treguar se pse ka zgjedhur këtë formë të të bërit politikë.
I ftuar në emisionin “Shije Shtëpie” në Tv Klan, Korreshi, ka thënë se nëse nuk vendos një batutë në mes të fjalimit të tij, deklarata që ai bën, do të harrohet.
Kur BE pezulloi fondet IPARD për bujqësinë, Korreshi doli para mediave me një kastravec dhe një shalqi.
“Për fondet IPARD duhet të mbash interesin qytetar dhe ato që unë përfaqësoj, unë vij nga Myzeqeja. Unë kam bërë shumë fjalime në Parlament, por nëse nuk fus batutën në mes, fjalimet e mia ngelen në harresë.
Po të shikosh, nuk është vetëm shalqiri, por edhe mesazhi që unë dhashë që nga 100 milionë Euro të ndara nga IPARD në 220 veta, po të shikosh janë shumë pak familje myzeqare që kanë përfituar, që do të thotë se IPARD 3 ngeli ajo në fund, u nis për shalqi, shalqirin e hëngri qeveria sepse kanë ndarë Lekë me njëri-tjetrin, ndërkohë që familjet që kanë ndarë tokat nuk arrijnë kurrë të përfitojnë nga skemat e IPARD.
Po të shikosh, sa herë e ndjekin Saimirin në Komision të Ligjeve nëse nuk bën batuta? Pra, në Komision të Ligjeve, krahas çdo gjëje, atje po nuk bëre një batutë, nuk fillojnë të të ndjekin”, tha Korreshi.
Discussion about this post