Korreshi: Lushnja ka tre ditë pa ujë, gati shampoja e morrave

Prej tre ditësh banorët e Lushnjës nuk kanë ujë të pijshëm në shtëpitë e tyre, çka ka bërë që qytetarët të bëjnë një mori denoncimesh.

Ndërkohë që Ndërmarrja e Ujësjellës kanalizimeve Lushnje, njoftimin e fundit e ka bërë një ditë më parë ku thotë se njoftojmë se vazhdojnë punimet për lidhjen e tubacionit kryesor nga rotondo e Grabianit deri ne stacionin e pompave Virovë.

“Duke ju kërkuar ndjesë për shqetësimin duam t’iu njoftojmë se vazhdojnë punimet për lidhjen e tubacionit kryesor nga rotondo e Grabianit deri ne stacionin e pompave Virovë nga G.P.G Company. Aktualisht është duke u punuar ne 8 pika te ndryshme. Punimet parashikohet te zgjasin deri ne orët e vona. Do t’iu njoftojmë së shpejti për vijimësinë e shërbimit të furnizimit me ujë”.

Lidhur me këtë situatë skandaloze ka reaguar edhe deputeti i Lushnjës Saimir Korreshi, i cili akuzon pushtetin lokal për gjendjen e krijuar.

Ndërsa me ironi shkruan se nesër del shmpo për morrat.

“U bë pika e ujit sikur të ishte shampanjë! I kishin harruar njerëzit kovat e ujit si ngjiteshin deri në kat të 6. Por Partia nuk fle ju kthen pas në kohë. Sa dite u bënë pa ujë? Dini gjë? Guxoni të mos e paguani një muaj faturën e ujit i gjeni xhelatët te dera e shtëpisë, ndërsa kur ke tre ditë pa pik uji faji ngelet jetim.

Nesër del shampo për morrat për të tjerat furçe me fije metalike. Krishtlindje të mbara vetëm mos hani shumë se s’keni ku shkoni në banjo edhe lokalet i kanë kyçur banjot. Të rrojë Partia” – shkruan deputeti Korreshi.