Tragjike/ Futbollisti ndërron jetë në fushë pasi u godit në kokë

në Sport

Kohë leximi: 1 min

Një tragjedi ka ndodhur në kategorinë e dytë të futbollit algjerian, ku një futbollist i MC Saïda, ndërroi jetë në mes të ndeshjes kundër ASM Oran, pasi mori një goditje në kokë.

Loukar, 30 vjeç, vdiq nga një dëmtim në kokë pasi u rrëzua në fushë në stadiumin Habib Bouakeul në Oran dhe goditi kokën kur luftonte për një top në ajër me një lojtar rival.

Aksioni u zhvillua në minutën e 26-të të pjesës së parë të ndeshjes së ditës së 10-të të Ligës 2 të Algjerisë. Pasi mori asistimet e para, ai u rikthye në fushë, para se të rrëzohej dhjetë minuta më vonë dhe të mos ngrihej më, sipas gazetës ‘El Khabar’.

Presidenti i Ligës Kombëtare të Futbollit Amator (LNFA), Ali Malek, është tronditur nga tragjedia dhe ka shprehur ngushëllimet e tij të sinqerta për familjen e të ndjerit. Ai siguroi se dosja mjekësore e Sofiane Loukar nuk paraqet ndonjë anomali për ushtrimin e futbollit të nivelit të lartë.