Në fjalën e tij nga Kuvendi, kreu i qeverisë Edi Rama nuk harroi të mburrej me shërbimin online që ofron administrata, ku jo pak herë qytetarët kanë denoncuar korrupsionin në radhët e tyre.
Rama tha se vendin ynë se brenda 31 dhjetorit do të mbyllen online të gjitha procedurat për dokumente, pa pasur nevojë për të shkuar fizikisht në sportele.
“Sot ishte lajm në të gjitha mediat italiane vajtja e presidentit të Italisë për të tërhequr certifikatën online. Ndërkohë debate, sot po ashtu ishte lidhur me faktin që ende shërbime të ndryshme nuk mund të ofrohen për shkak të mos veprimit të bazave të të dhënave. Kjo për ne është histori tashmë se jo vetëm certifikatat janë online prej vitesh por me 31 dhjetorin e këtij viti mbyllen online të gjithë procedurat për dokumente, pa pasur nevojë për të shkuar fizikisht për shembull për të dhënë shenjat e gishtave”, u shpreh Rama.
Kreu u i qeverisë u ndal dhe tek platforma e “Bashkëqeverisjes”, që sipas tij do të sigurojë mbylljen e sporteleve që shkaktojnë radhë të gjata ku administratorët publikë mund të hyjnë në marrëdhënie ryshfeti.
Discussion about this post