Kosova rrezikohet shumë nga varianti Omicron i Covid-19 dhe ka vetëm pak shanse që të shpëtojë prej tij. Kështu ka paralajmëruar sot Drejtori i Përgjithshëm i Shërbimit Spitalor dhe Klinik Universitar të Kosovës, Valbon Krasniqi, i cili thotë se mundësia e paraqitjes është evidente pasi edhe rrugët e përhapjes së këtij varianti janë të njëjta sikurse variantet e tjera. Kosova ka dërguar disa mostra për testim në Gjermani, pasi dyshohen të jenë me variantin e ri të COVID-19. Ende janë në pritje për rezultatet.
Mali i Zi është vendi i fundit në rajon që është prekur zyrtarisht nga varianti Omicron. Por, tashmë rrezikon edhe Kosova, sidomos kur në këtë periudhë shtohen lëvizjet e qytetarëve për festa por edhe grumbullimet në ambiente të mbyllura.
Discussion about this post