Kosova me “gisht në gojë”, talenti grumbullohet nga Gjermania

Edhe pse Kosova është duke e pritur që një kohë të gjatë, Mërgim Berisha është ftuar nga Kombëtarja e Gjermanisë për ndeshjet e muajit mars.

Gjermania do t’i luajë dy ndeshje miqësore në mars, pasi që është organizatore e Kampionatit Europian dhe nuk merr pjesë në eliminatore.

Me këtë rast gjasat që Berisha t’i bashkohet Kosovës shkojnë në një pikë minimale, sidomos nëse paraqitet mirë për Gjermaninë.

Viteve të fundit, Kosova ka humbur një numër të konsiderueshëm të futbollistëve cilësorë, shumë prej të cilëve po preferojnë të luajnë për shtetet tjera.

Ka pasur raste kur edhe ekipet e shpresave të Shqipërisë dhe Kosovës janë braktisur për të luajtur për shtete tjera.

Express