Administrata Rajonale e Zonave të Mbrojtura Kukës ka njoftuar se është shuar krejtësisht zjarri i shfaqur një ditë më parë në fshatin Tërthorë të Kukësit. Në postimin e administratës në rrjete sociale thuhet se fikja e zjarrit u bë e mundur me ndihmën e zjarrfikësve të Kosovës dhe të vullnetarëve, të cilët i falënderojnë për kontributin e dhënë. Ajo që bie në sy është se në njoftimin e administratës nuk përmendet ekipi i zjarrfikësve të Kukësit. Kujtojmë se kjo është hera e dytë që Kosova ndihmon Shqipërinë në shuarjen e zjarreve, pas atij mbi tunelin e Kalimashit që ndodhi para disa ditësh.
Njoftimi i plotë i ADZM Kukës:
Është izoluar plotësisht zjarri i shfaqur me dt.19.08.2021 në orën 10:15 në vendin e quajtur Koritnik brenda PN Korab-Koritnik, nga punonjësit e AdZM-së Kukës, të Nj.Ad Tërthore, zjarrfikës nga Kosova si dhe vullnetarë të tjerë që gjej rastin t’i falënderoj për kontributin e dhënë.
Kjo vatër zjarri ka përshkruar një sipërfaqe afërsisht 3 ha në pyje të lartë rrobulli, pishë e zezë dhe bredh i bardhë e cila po mbahet nën monitorim për ndonjë riaktivizim të mundshëm nga punonjësit tanë.
