Qeveria e Kosovës ka vendosur sanksione të reja ndaj Rusisë dhe Bjellorusisë. Vendimi është marrë në mbledhjen e 96-të të qeverisë dhe masat që janë marrë janë ndalimi i importit të naftës së papërpunuar pezullimin e transmetimit në BE për tre mediume të tjera shtetërore ruse, gjithashtu BE miratoi sanksione kundër 65 individëve, përgjegjës për krimet e kryera në Bucha. Këto sanksione i ka paraqitur Besnik Bislimi, zëvendës i kryeministrit në Qeverinë Kurti.
“Në vazhdim të mbështetjes së agresionit rus, në përputhje me sanksionet e BE-së, MPJD propozon për shqyrtim dhe miratimin për pakon e sanksioneve të BE-së ndaj Federatës Ruse, Bjellorusisë, si dhe të gjitha sanksioneve të tjera. Më 3 qershor të këtij viti BE aprovoi pakon e gjashtë të sanksioneve ekonomike. Pakoja e gjashtë e sanksioneve përfshin ndalimin e importit të naftës së papërpunuar, pezullimin e transmetimit në BE për tre mediume të tjera shtetërore ruse, gjithashtu BE miratoi sanksione kundër 65 individëve, përgjegjës për krimet e kryera në Bucha. Në përputhje me vendimin për pakot paraprake, MPJD propozim për shqyrtim dhe miratim të këtij vendimi në vazhdimësi të të gjitha sanksioneve të përcaktuara nga BE-ja drejt Rusisë dhe Bjellorusisë” – ka thënë Bislimi.
Kosova është bashkuar që në fillim me perëndimin për ta dënuar përpjekjen e Rusisë për pushtimin e Ukrainës.
Discussion about this post