Kreu i Premier League Liverpool me 10 lojtarë merr barazimin, edhe Arsenal ngec, Broja kthehet në fushë

Elita e futbollit në Angli, Premier League zhvilloi këtë të shtunë katër nga ndeshjet e raundit të 16-të.

Në “Anfield” vendasit e Liverpool me 10 veta argëtoi tifozerinë e zjarrtë duke u kthyer dy herë dhe duke barazuar 2-2 kundër Fulham. Pereira kaloi miqtë në epërsi pas vetëm 11 minutave lojë, ndërsa Liverpool mbeti me një lojtar më pak në minutën e 17-të pas daljes me karton të kuq të Robertson. Ky vendim i gjyqtarit ishjte i diskutueshëm, por VAR i dha të drejtë. The Reds ia dolën të barazonin me Gakpo, por Muniz riktheu epërsinë për Fulham. Duhej Diogo Jota që katër minuta nga fundi të vendoste ekuilibrat në 2-2. Liverpool e dominoi ndeshjen madje mund edhe ta kishte fituar, nëse Salah do të tregohej klinik në disa raste të humbura. Me 36 pikë Liverpool vijon të mbajë vendin e parë në Premier League.

Në “Emitares” skuadra e Arsenalit barazoi 0-0 kundër Everton. Në Londër dueli ishte me raste, por që nuk u konkretizuan. Në minutën e 66 trajneri Sean Dyche i dha mundësi Armando Brojës, duke zëvendësuar Calvert-Lewin. Sulmuesi i Kombëtares nuk ia doli të çonte sferën në rrjetë, por u ndëshkua me karton të verdhë në minutën e 81.

Me tri pikët këtë të shtunë dolën Newcastle dhe Ipswich.

Premier League – java 16-të:

E shtunë, 14 dhjetor 2024 – 16:00

Arsenal 0-0 Everton

Liverpool 2-2 Fulham

Newcastle 4-0 Leicester

Wolves 1-2 Ipswich

Renditja:

gijotina.com/