Për krimin makabër që ndodhi ditën e sotme në Fier, ku Klodian Çalamani rrëmbeu fqinjin e tij, 8-vjeçar dhe e vrau me lopatë dhe më pas e groposi pranë shtëpisë në oborr, ka folur daja i viktimës.
Në një prononcim për mediat, daja i vogëlushit me lot në sy ka treguar momentin kur mori vesh lajmin e rëndë. Ai thotë se do të kërkojë drejtësi pasi në të kundërt do ta “varrë autorin e krimit si qen”.
“Është nipi im. Mbrëmë më ka treguar motra. Nuk e dija që ishte i dhunshëm, më ka treguar motra që është dënuar më përpara. Ky është shteti, çfarë të bëjmë? Do të kërkojmë drejtësi…Do ta varim si qen!” tha daja i viktimës, që sapo ishte kthyer nga Italia.
Autori njihej nga banorët e zonës si një person problematik pasi konsumonte pije alkoolike. Vetë Çalamani ka pranuar krimin e rëndë, ndërsa vijojnë hetimet për zbardhjen e plotë të ngjarjes.
Discussion about this post