Vendet e Ballkanit Perëndimor po përballen me një krizë emigracioni. Kjo është e dukshme në Maqedoninë e Veriut nga të dhënat e Censusit. Vendi me 2 milionë banorë është tkurrur me të paktën 10% që prej regjistrimit të popullsisë në 2002.
Ekonomia e dobët dhe mungesa e investimeve kanë dëmtuar keq vendin që feston 30-vjetorin e pavarësisë me 1.8 milionë banorë. Pas ndarjes nga ish-Jugosllavia, maqedonët shpresonin në integrimin e shpejtë në BE. Por, rruga e RMV është bllokuar vazhdimisht gjatë dekadave të fundit, fillimisht Greqia dhe tani Bullgaria.
Situata është edhe më e keqe në Shqipëri. Rreth 1.7 milionë banorë të saj kanë lënë vendin gjatë 3 dekadave të fundit sipas të dhënave zyrtare. Serbia gjithashtu po vuan nga emigracioni, pasi më shumë se 10 mijë doktorë kanë lënë vendin gjatë 20 viteve të fundit.
Në Bosnje-Hercegovinë, 400 mijë banorë janë larguar nga vendi gjatë 8 viteve të fundit.
“Të gjithë vendet e Ballkanit Perëndimor janë prekur nga largimi i të diplomuarve. Arsyeja kryesore është ekonomia, por gjithashtu ka dhe arsye sociale”, shprehet Ilir Gedeshi, profesor ekonomie në Tiranë.
Discussion about this post