Java e 16të e Superligës Kosovare ka rezervuar që skuadrat e kreut të renditjes të zbresin në fushë për tu përballur në ndeshjet respektive.
Feronikeli do të përballet me Ballkanin në orën 13:00, ku skuadra nga Suha Reka do të udhëtojë në transfertë për tu ndeshur kundër Feronikelit, që nuk po gjen dot rrugëdalje nga kriza e rezultateve.
Malisheva – Drenica është përballja tjetër e orës 13:00 që do të luhet ditën e sotme ku të dyja skuadrat në pesë ndeshjet e fundit e kanë provuar vetëm një herë ‘shijen’ e fitores, dhe këtë do ta tentojnë sërish sot në stadiumin e Malishevës.
Llapi – Gjilani është sfida përmbyllëse e kesaj fundjave, ku takimi që do të startojë në orën 13:30 pritet të dhurojë emocion. Llapi ndodhet në vendin e pestë të tabelës dhe ndodhet vetëm katër pikë larg Gilanit kryesues me 28 pikë dhe miqtë do të bëjnë gjithçka për ti ‘prishur’ punë skuadrës së Ismet Munishit.
Discussion about this post