Ndërsa kryebashkiakja e Durrësit, Emirian Sako flet për miliona e miliona investime në kanalizime dhe mirëmbajtjen e hidrovoreve apo kaneleve kulluese në këtë qytet, situata e djeshme tregoi se këto miliona mund të jenë përdorur për çdo gje tjetër, por jo në ato drejtime për të cilat mburret Sako.
Një ditë pas përmbytjeve në Durrës, vazhdon puna nga forcat në terren për largimin e ujit nga zonat e prekura nga reshjet intensive të shiut, në një pjesë të bashkisë së Durrësit.
Ka prani të ujit në një numër të konsiderueshëm banesash dhe ambientet publike.
Eshtë bërë evakuimi i disa familjeve, të cilat janë akomoduar te Kavalishenca.
Sipërfaqja e tokës bujqësore nën ujë llogaritet në rreth 40 Ha.
Ka një rritje të lehtë të niveleve të lumenjve Ishëm dhe Erzen, por pa rrezik për daljen nga shtrati.
Hidrovorët në Hamallaj dhe Porto Romano vijojnë punën me kapacitet të plotë
Në terren janë të angazhuara forca nga MZSH, Autoriteti Portual, Bordi i Kullimit, ndërmarrjet e punëve publike të bashkisë.
Në mbështetje të forcave në terren janë angazhuar 2 pompa thithëse me kapacitet të lartë dhe 3 kamionë të kalueshmërisë së lartë nga Forcat e Armatosura.
Gjatë natës kapacitetet nga FA u përforcuan edhe me 2 pompa të vogla nga batalioni i mbështetjes Poshnjë, të cilat janë duke punuar për largimin e ujit te IEPV Durrës.
Grupet e punës janë në terren për identifikimin, vlerësimin dhe raportimin e saktë të dëmeve.
Discussion about this post