Aplikacioni i Whatsapp këtë muaj do të ndalojë së punuari në miliona telefona. Bëhet fjalë për modelet e vjeta Iphone dhe Android, të cilët nuk mund ta përdorin më programin pas 31 dhjetorit pa marrë një përmirësim.
WhatsApp do të pushojë së funksionuari në 49 modele të telefonave duke përfshirë iPhone 5 ose 5c së bashku me disa modele Huawei , LG dhe Samsung .
Sidoqoftë, përdoruesve të këtyre telefonave do t’u dërgohet një alarm nga ËhatsApp përpara se të pushojë së funksionuari.
“Pajisjet dhe softueri ndryshojnë shpesh, kështu që ne rishikojmë rregullisht se cilat sisteme operative mbështesim dhe bëjmë përditësime”, tha WhatsApp.
“Këto pajisje gjithashtu mund të mos kenë përditësimet më të fundit të sigurisë, ose mund të mos kenë funksionalitetin e kërkuar për të ekzekutuar WhatsApp.”
“Për të zgjedhur se çfarë të mos mbështesim, çdo vit ne, si kompani të tjera teknologjike, shikojmë se cilat pajisje dhe softuer janë më të vjetrit dhe kanë numrin më të vogël të njerëzve që ende i përdorin ato.”
Për të përditësuar sistemin tuaj operativ në një iPhone, shkoni te cilësimet “të përgjithshme” dhe zgjidhni “përditësimi i softuerit”.
Nëse pajisja juaj nuk mund të ekzekutojë softuerin e përditësuar, do t’ju duhet një telefon më i ri për ta bërë këtë.
Discussion about this post