Kupa e Shqipërisë konsumon 6 ndeshjet e dyta të raundit të 1/8 ku nuk zhgënjen asnjë skuadër pretendente. Tirana mjaftohet me një gol për të mundur sërish Lushnjen dhe në raundin tjetër do të sfidojë Kastriotin që u ndal në barazim pa gola me Dinamon, por pas fitores së parë 3-1 kalon më tej.
Fitore e thellë për Partizanin që kalon 3-0 Korabin dhe në total 6-1 për të gjetur në fazën tjetër skuadrën që do të kualifikojë ndeshja Vllaznia-Bylis. Një tjetër ndeshje e ekulibruar do të jetë ajo mes Egnatias dhe Laçit. Kurbinasit mpooshtën sërish, këte herë me rezultatin 2-0 Tomorin pas suksesit të parë 3-1, ndërsa barazimi pa gola në Rrogozhinë me Skënderbeun kualifikoi vendasit që kishin fituar të parën 2-1 në Korçë.
Fitore edhe për Kukësin që kalon Apoloninë me rezultatin e thellë 5-0 pas barazimit të Fierit. Në fazën tjetër, verilindorët do të sfidojnë fituesen e ndeshjes më të balancuar të kësaj faze Teuta-Erzeni pas barazimit 1-1 të ndeshjes së parë.
Discussion about this post