Kryeministri i Kosovës, Albin Kurti në një deklaratë për mediat është shprehur se është i bindur që në Kosovë këtë vit do të vaksinohen 60% e popullsisë.
Deklarata e Kurtit erdhi pas darkës tradicionale me liderët e Ballkanit Perëndimor të organizuar nga Përfaqësuesi i lartë i Bashkimit Evropian, Borrell.
Kurti ndër të tjera ka thënë se në muajt në vijim mundësia për të siguruar më shumë vaksina është rritur.
“Me hyrjen e muajit maj dhe qershor janë rritur mundësitë për të marrë më shumë vaksina. Unë jam i bindur që këtë vit do të arrijmë të vaksinojmë 60% të popullsisë”, tha ai.
“Diaspora do të na ndihmoj në një ripërtërijë nga pandemia, pasi nuk është në pyetje vetëm shëndeti i popullsisë por edhe shëndeti në aspektin socio-ekonomik”.
Duke folur për vizat, Kurti ka thënë se shpresa më e madhe është te Gjermania, por nuk ka dhënë garanci për liberalizim të shpejtë të vizave.
