Kryeministri i Kosovës Albin Kurti, ka prezantuar ditën e sotme Pakon e re të ndihmave, gjatë një konference për media.
Në këtë konferencë, Kurti është shprehur se për muajin prill do ta dyfishojnë vlerën e asistencës sociale.
Për këtë muaj, pensionistëve do t’iu shtohen nga 100 euro shtesë. Gjithashtu, nga 100 euro do t’iu ndahen edhe punëtorëve të sektorit privat e edhe atyre të sektorit publik. Me nga 100 euro do të mbështeten edhe studentët.
Mësohet se vlera totale e kësaj pakoje është mbi 100 milionë euro dhe, sipas Kurtit, do të përfitojnë rreth 800 mijë qytetarë.
Për muajin prill do ta dyfishojmë vlerën e asistencës. Pensionistëve do t’u ndahen nga 100 euro shtesë për muajin prill, dhe do të përfitojnë të gjithë ata që marrin pension. Për herë të parë, do të mbështesim me 100 euro të gjithë punëtorët e sektorët privat. Në kuadër të kësaj pako do të ndahen edhe nga 100 euro për mbi 80 mijë zyrtarë publikë Për herë të parë, do të mbështeten të gjithë studentët nga 100 euro. 80 mijë student do të përfitojnë nga kjo paketë. Vlera totale e kësaj është mbi 100 milionë euro, do të përfitojnë rreth 800 mijë qytetarë ose praktikisht secila familje”, ka deklaruar Kurti./Express
Discussion about this post