Ditën e sotme kryeministria ka shpallur zyrtarisht hapjen e aplikimeve për postin e drejtorit të përgjithshëm të Agjencisë Shtetërore të Programimit Strategjik dhe Koordinimit të Ndihmës.
Në njoftim përcaktohen kriteret që kandidatët për këtë post duhet të gëzojnë.Përvoja e punës është domosdoshmëri, ndaj 15 vite eksperiencë është minimalja për të përfituar këtë pozicion.Vitet e përvojës duhet që të jenë dhe në fushën e ekspertizës apo administrimin publik, kriter i cili do minimumi shtatë vite.
Formimi profesional konsiston në “Master i shkencave” apo“ Master profesional”, të përftuar në fund të studimeve të ciklit të dytë me 120 kredite.
Ngritja e kësaj Agjencie u miratua në mbledhjen e 30 tetorit të Këshillit të Ministrave dhe do të koordinojë të gjitha donacionet e huaja në drejtim të vendit tonë.
Agjencia Shtetërore e Programimit Strategjik dhe Koordinimit të Ndihmës, do të jetë në varësi të Kryeministrisë në bashkëpunim me Ministrinë e Financave dhe Komunitetin e Donatorëve.Këto tre institucione do të jenë përgjegjës në koordinimin e të gjithë ndihmës së huaj që qeveria shqiptare do të marrë për stimulimin e programeve dhe projekteve zhvillimore.
Agjencia gjithashtu do të mbështesë ministrinë për Evropën në përmbushjen e përgjegjësive të saj për procesin e integrimit në Bashkimin Evropian por edhe Kryenegociatorin dhe Grupin Negociator në programimin dhe monitorimin e asistencës financiare të BE-së në funksion të procesit të aderimit në BE.
Discussion about this post