Ka përfunduar në avantazhin e skuadrës së Dinamos pjesa e parë e derbit të kryeqytetit. Sfidë e vlefshme për turin e dytë të kupës së Shqipërisë dhe që po zhvillohet në stadiumin “Air Albania”. Një duel ku ka patur shumë polemika për vendimet e gjyqtarit. Fillimisht në minutën e 4 Dinamo pretendoi për penallti teksa në të 26 minutë Dinamo fiton penallti e cila ekzekutohet saktë nga sulmuesi Ibraimi që shkund rrjetën.
Polemikat nuk përfundojnë këtu pasi Tirana në minutën e 35 të ndeshjes pretendon për një prekje të topit me dorë nga Imami por sërish gjyqtari vijon lojën. 4 minuta pas këtij pretendimi skuadra e Dinamos dyfishon shifrat me sulmuesin Skuka i cili dërgon dinamovitet në dhomat e zhveshjes në avantazhin komod. Skuadra e trajneri Bledi Shkëmbi ka zhvilluar një pjesë të parë mjaft të mirë teksa mbetet të shihet nëse do të rezistojnë në të dytën.
Discussion about this post