Pas premierës së serialit, “Soy Georgina”, që flet për jetën e Georgina Rodriguez, interesi për detaje më të imtësishme për të, sa vijnë e shtohen.Veçanërisht ka qenë interesante për mediat britanike të hetonin se cilët ishin prindërit e saj.
Jorge Rodriguez është babai i partneres së Cristiano Ronaldos. Ai ka qenë i dënuar në tri burgje në Spanjë për dy vepra të trafikimit të drogës.
Sipas Daily Mail, Rodriguez, një ish-futbollist i lindur në Buenos Aires, u burgos në vitin 2003 dhe u lirua në vitin 2013 pas marrjes së dënimit prej 10 vjetësh.
Jorge mendohet të jetë larguar nga vendi dhe i është ndaluar të kthehet në Spanjë pas përfundimit të dënimit të tij në gusht të vitit 2013.
Jorge u nda nga jeta në vitin 2019 në moshën 70 vjeçare. Thuhet se kishte vuajtur nga komplikimet pas një goditjeje në tru që pati dy vjet e gjysmë para vdekjes.
Nëna e Georginas është Ana Maria Hernandez, për jetën e të cilës nuk dihet shumë, por dihet se aktualisht jeton në Itali.
Discussion about this post