Ish-drejtori i ALUIZNI-t të Tiranës, Ferdinand Shehu ka ngritur një padi ndaj Drejtorisë së Përgjithshme të Parandalimit dhe Pastrimit të Parave, ku e akuzon se në mënyrë të padrejtë i kanë shkaktuar një dëm të madh ekonomik.
Mësohet se Shehu akuzon AFIU që ka abuzuar me kompetencat si institucione, pasi në vitin 2019 I ka sekuestruar atij një llogari bankare afro 1.5 milionë euro, që më pas ia ka kthyer Gjykata pasi kanë rezultuar para që nuk kanë qenë produkt i aktiviteteve të dyshimta. Mbështetur nga ku vendim I gjykatës, Shehu tashmë pretendon nga Drejtoria e Pastrimit të parave që t’i paguaj të gjitha kamatvonesat, për shkak se paratë do t’i investonte në bursë, prandaj fitimin e munguar duhet t’ia kthejë AFIU.
Në padinë e dërguar pranë gjykatës, Shehu pretendon se në momentin kur i është vendosur sekuestrimi i kësaj llogarie bankare, të cilën e ka siguruar nga shitja e një hoteli, ka qenë jashtë vendit me familjen e tij dhe i janë bllokuar të gjitha kartat. Sipas tij, bllokimi i kartave i kishte shkaktuar një udhëtim me shumë rreziqe familjes Shehu, për të cilat tashmë kërkon dhe dëmshpërblim.
”Paditësi Ferdinand Shehu së bashku me familjen në datë 01.08.2019 ka qenë jashtë shtetit me pushime. Paditësi ka pretenduar se ka provuar që të përdorë kartën e kreditit dhe ka konstatuar se kjo kartë ishte e bllokuar. Ai ka deklaruar se detyrimi për të kryer pagesa ndaj njësive akomoduese të prenotuara dhe për t’u kthyer në Shqipëri e detyruan të ndërmarrë me familjen një udhëtim me shumë rreziqe”, thuhet mes të tjerave në padi.
Theksojmë se në padinë e tij, Shehu ndër të tjera evidentoi se bllokimi i kartave i kishte shkaktuar një udhëtim me shumë rreziqe familjes Shehu, për të cilat tashmë kërkon dhe dëmshpërblim
