Kushte skandaloze, u premtua ndërtimi i markatës së re, tregtarët mbeten në ‘qiell të hapur’

Që në muajin korrik, Bashkia ka shpallur tenderin me fond 50 milionë lekë, për rikonstruksionin e Markatës së Durrësit. Rikualifikimi kësaj markate u parashikua të manifestohet brenda një afati prej katër muajsh.
Edhe pse jemi në prag të 2022, kjo markatë akoma nuk ka përfunduar. Problem mbeten shitësit ambulantë, të cilët detyrohen të sheshin jashtë kushteve higjeno-sanitare.

Ata janë mjaft të shqetësuar, ndërsa theksojnë faktin se punimet po ecin me ritme të ngadalta.

“Ne lutemi të hapet sa më parë. Po bëjmë 5 a 6 muaj në këtë gjendje, po rrimë pa punë. Çfarë do të hamë. Detyrohemi të dalim rrugëve, këta s’të lënë. Ngelëm pa punë. Duam të hapet që të punojmë, faza e punimeve është vonuar” – shprehet një tregtare.

“Kushtet janë të vështira, covidi nga njëra anë. Kemi blerë shtrenjtë sa të duash, 1 mijë lekë po shkon një kile patate, qepa. Nuk ka çmim. Markata duhet të përfundoj sa më parë aq më mirë për të gjithë popullin”

“Janë kushtet e vështira. Po është e vështirë, s’kemi ambiente, po presim që markata është duke u bërë, shohim në qoftë s do hapet për Vitin e Ri. Këtë e ka në dorë bashkia.”

Situata bëhet akoma më serioze tani që sezoni i dimrit po afron dhe vështërsitë shtohen akoma më shumë për tregtarët.