Gjykata Kushtetuese do të mblidhet sërish për të vendosur për përjashtimin ose jo të presidentit Ilir Meta. Sipas njoftimit, seanca do të mbahet në orën 10:00 të paradites për të shqyrtuar kërkesën e Kuvendit për shkarkimin e kreut të Shtetit me argumentin se ka shkelur kushtetutën në zgjedhjet e kaluara të 25 prillit.
Nga ana tjetër, kreu i Shtetit e ka nisur ditën me një mesazh provokues në rrjetet sociale. “Mirëmëngjes të dashur miq! Kryesorja në jetë të ruajmë 1 dhe të mos e kemi mendjen te shtimi i zero, sepse pa 1 gjithçka zhbëhet në zero absolute”, shkruan Meta.
Në seancën e shkuar Presidenca kërkoi përjashtimin e gjyqtarëve që sipas tyre nuk plotësojnë kushtet ligjore për të qenë pjesë e procesit, por Kushtetuesja hodhi poshtë kërkesën e Presidentit dhe gjyqtarët që do gjykojnë çështjen do to jenë të njëjtë. Kërkesë tjetër e palës së Metës ishte që legjitimiteti i i Metës të gjykohej nga parlamenti i ri, por ngelet për tu parë vendimi që do të marrë Kushtetuesja sot, ose nëse do të shtyjë sërish agoninë e Metës.
Discussion about this post