Ditën e djeshme në emisionin Opinion i ftuar në panel ku po diskutohej për çështjen e inceneratoreve ishte dhe deputeti i Partisë Demokratike Belind Këlliçi.
Gjatë diskutimit ajo që u vu re ishte aksesori që ai mbante në dorë. Këlliçi mbante në dorë një orë e tipit Audemars Piguet që kushton plot 82.400 USD.
Këto lajme nuk i kanë shpëtuar as vetë deputetit, i cili teksa ka qenë i ftuar në studion e Report TV, dhe është pyetur ndër të tjerash dhe për orën.
“Kjo ka ardhur pas një reagimi tim ditën e djeshme. Unë mund t’ia tregoj., Kam lexuar në media se sot kjo ora ime e dorës, e sponsorizuar nga qeveria dhe Veliaj se më vijnë informacionet, kushton 82 mijë e 400 dollarë. I duhet hequr vetëm 82 mijë se kushton vetëm 400 dollarë dhe nëse Veliaj është i gatshëm të më japë 40 dollarët ia jap dhuratë dhe vetëm të heq dorë nga mashtrimet me opinion publik, vjedhjeve që iu bën taksave të qytetarëve shqiptarë dhe keqtrajtimit që i bën qytetarëve të Tiranës”, është shprehur Këlliçi.
Ai po ashtu i ka bërë thirrje Veliajt që të mos merret me shpifje.
Discussion about this post