Një tjetër degë e PD në kryeqytet ka bërë publike emrat e delegatëve që kanë firmosur për Kuvendin e 11 dhjetorit të thirrur nga ish-kryeministri Sali Berisha.
Mësohet se, dega numër 4 e PD në Tiranë ka bërë publike emrat e 97 delegatëve të cilët kanë firmosur për thirrjen e Kuvendit të 11 dhjetorit. Në total kjo degë ka plot 111 delegatë dhe vetëm 14 prej tyre nuk kanë firmosur për thirrjen e Kuvendit Kombëtar.
Emrat e tyre janë lexuar përpara selisë së PD-së nga nënkryetari i kësaj dege, i cili tha se besonin më tek lëvizja e ish kryeministrit Sali Berisha, ndërsa Bashën e cilësuan si humbës.
“Jo ne kemi caktuar datën tonë duke qenë se ne mendojmë se vendimet e marra nga Basha deri sot kanë qenë në kundërshtim të statutit. Ne nuk jemi kukulla por njerëz që zbatojmë vendimmarrjen e PD-së. Duke qenë se ky është një person që na çon vetëm në humbje, ne besojmë vetëm tek lëvizja e Berishës. Ai duhet të mbronte dhe anëtarin më të thjeshtë të PD jo më themeluesin historik të PD, Sali Berishën. Të rregullohet statusi i kryetarit, nuk mund të vazhdojë të emërohet në post në pafundësi. Do diskutohet edhe largimi i Bashës, por kjo nuk do thotë se ai është përjashtuar nga PD”, tha nënkryetari i kësaj dege.
Discussion about this post