Përfaqësuesi Special i Bashkimit Europian Miroslav Lajçak ka bërë të ditur për mediat se ku do të zhvillohet takimi i radhës mes kryeministrit të Kosovës Albin Kurti dhe presidentit serb Aleksandër Vuçiç.
Takimi i 18 marsit në mes do të mbahet në Ohër të Republikës së Maqedonisë së Veriut.
Këtë e ka kumtuar vetë emisari i Bashkimit Evropian për dialogun Kosovë-Serbi, Miroslav Lajçak.
Ai është takuar me zëvendëskryeministrin për çështje evropiane të Maqedonisë së Veriut, Bojan Mariçiç, duke e falënderuar që po mundësojnë lokacionin e Ohrit për takimin e radhës.
“Pata një takim të shkëlqyer me Zv. Kryeministrin Mariçiç. I jam mirënjohës Maqedonisë së Veriut për mbështetjen e fortë ndaj Dialogut dhe mezi pres takimin e radhës të Dialogut në Ohër më vonë këtë muaj. Diskutuam gjithashtu çështje thelbësore për të ardhmen evropiane të Maqedonisë së Veriut”, ka shkruar Lajçak në Twitter.
Më 27 shkurt në Bruksel është zhvilluar takimi në mes kryeministrit të Kosovës, Albin Kurtit dhe presidentit të Serbisë, Aleksandër Vuçiç.
Palët janë pajtuar që të mos ketë më takime për planin franko – gjerman, siç ka njoftuar Josep Borrell, përfaqësues i lartë i Bashkimit Evropian për Politikë të Jashtme dhe Siguri.
Kështu çështje ka mbetur nënshkrimi i atij plani, megjithëse tema e Asociacionit vazhdon të jetë problematike në mes dy shteteve, Kosovës dhe Serbisë.
Gjatë Forumit Ekonomik në Shkup, kryeministri Kurti ka thënë se “normalizimi më i mirë i marrëdhënieve do të ishte njohja e ndërsjellët”.
Express
Discussion about this post