Reshat Radhima, 56 vjeç, i dënuar me 4 vite e dy muaj burg nga Gjykata e Posaçme kundër Korrupsionit dhe Krimit të Organizuar si pjesë e grupit të Habilajve është vënë sot në pranga në qytetin e Vlorës.
Radhima u shpall fajtor për akuzat e trafikut të drogës dhe grup të strukturuar kriminal. Ai u ekstradua nga Italia drejt vendit tonë në prill të vitit 2019, për t’u gjykuar nga organet e drejtësisë këtu.
GJKKO ka dënuar me 37 vite burg në total katër nga anëtarët e Habilajve, mes tyre dhe Moisi Habilajn. ky i fundit u shpall fajtor për veprat penale “trafikim i lëndëve narkotike” e mbetur në tentativë e kryer në formën e grupit të strukturuar kriminal, për të cilën është dënuar me 12 vite burg, si dhe grup të strukturuar kriminal, akuzë për të cilën është dënuar me 4 vite.
Gjithashtu, në pranga ka rënë edhe E.Koço 17 vjeç, banues në lagjen “Partizani, pasi bashkë me të vëllanë e tij kanë tentuar të vrasin me armë zjarri Xh. M., i cili gjithashtu është arrestuar në flagrancë, pasi ka ushtruar dhunë fizike ndaj motrës dhe babait të dy vëllezërve.
Discussion about this post