Kryeministri Edi Rama paralajmëron sërish refuzimin e Bashkimit Evropian për hapjen e negociatave të anëtarësimit me Shqipërinë dhe Maqedoninë e Veriut.
Për këtë arsye, Rama tha se ka vendosur me liderët e Serbisë dhe Maqedonisë së Veriut që të mos marrin pjesë në Samitin e BE-së i cili do të mbahet më 23 qershor në Bruksel.
“Duket se një tjetër “Jo, na vjen keq!” do të jetë ajo që do të dëgjojmë në fund!”, shprehet Rama dhe thekson se “I gjithë Unioni i rrëmbyer nga Bullgaria nuk është një spektakël i mirë për t’u parë! Çfarë duhet bërë atje?!”, shprehet kryeministri.
Liderët e gjashtë vendeve të Ballkanit Perëndimor janë ftuar në Bruksel në ditën e parë të Samitit të Liderëve të BE-së, që do të mbahet më 23 dhe 24 qershor, por mesa duket Shqipëria nuk do të jetë e pranishme.
Discussion about this post