Ditën e nesërme Komisioni për Punë të Jashtme në Kuvendin e Bullgarisë do të diskutojë propozimin francez për zgjidhjen e ngëçit mes Shkupit dhe Sofjes.
Ministria e Punëve të Jashtme bullgare njoftoi se në takimin e djeshëm të Këshillit të Punëve të Jashtme të BE-së që u mbajt në Luksenburg nuk është diksutuar fare çështja e hapjes së negociatave për Maqedoninë e Veriut për anëtarësim në BE.
Ministrat e Jashtëm evropianë diskutuan agresionin ushtarak të Rusisë kundër Ukrainës, duke u fokusuar në sigurinë ushqimore, marrëdhëniet e BE-së me Egjiptin, situatën në Afrikën e Jugut dhe veçanërisht në Etiopi.
Këshilli ka diskutuar me theks të veçantë vetëm situatën ushtarake në Ukrainë dhe ndërprerjet në furnizimin e rregullt me grurë dhe ushqime të tjera nga vendi, gjë që kërcënon drejtpërdrejt sigurinë ushqimore globalisht.
Në vitin 2020, Bullgaria, e udhëhequr atëherë nga kryeministri Bojko Borisov, bllokoi fillimin e bisedimeve të pranimit në BE për Maqedoninë e Veriut mbi mosmarrëveshjet historike midis dy vendeve. Bllokada bullgare ndaj Maqedonisë së Veriut ka lënë në harresë aspiratat e Shqipërisë fqinje për në BE, pasi shumica e vendeve të BE-së këmbëngulin që Shkupi dhe Tirana të vazhdojnë rrugën e tyre drejt anëtarësimit si çift.
Discussion about this post