Lajme të mira kanë ardhur këtë mbrëmje nga Roma, ku qëndërmbrojtësi i Kombëtares Shqiptare, Marash Kumbulla ka kryer egzaminimet e nevojshme pas dëmtimit që pësoi në Wembley.
Kumbulla u largua nga Shqipëria duke mos u grumbulluar me Kombëtaren ‘kuqezi’, për të kryer të gjitha kontrollet e nevojshme që e detyruan të tërhiqej nga fusha kundër Anglisë në minutën e 17’.
Pas kryerjes të të gjitha testimeve të nevojshme, raportohet se dëmtimi i tij është vetëm muskulor, dhe do të mbahet nën monitorim në ditët në vijim, por nuk ka as tërheqje dhe as këputje.
Madje mjekët shkojnë akoma më tej, se ai mund të jetë i gatshëm të rikthehet në fushë me Romën që në javën e ardhshme.
Discussion about this post