Tomas Bërdariç vendosi të largonte nga fusha e lojës autorin e golit të vetëm të Vllaznisë ndaj Egnatias, Liridon Latifin më ekzaktësisht në minutën e 76. Në vend të tij u inkuadrua Mustedanagic, teksa Latifi u acarua keq, dhe e pësoi. 27-vjeçari tentoi të nxirrte të nxirrte dufin duke goditur termusin. Veprimi i tij nuk shkoi mirë pasi lojtari u rrëzua dhe përfundoi te shokët e skuadrës në pankinë.
Më pas nxitoi për t’u larguar drejt dhomave të zhveshjes. Një moment që tregon klimën aspak pozitive tek skuadra e Vllaznisë që ka harruar të fitojë në kampionat. Pas ndeshjes trajneri Bërdariç u shpreh se veprime të tilla duhen shmangur pasi nuk i shërbejnë ekipit si dhe lojtarët duhet të pranojnë vendimet e trajnerit.
Discussion about this post