Problemet në shtëpinë e Lazios nuk kanë fund, me këtë javë që ka qënë për t’u harruar për sa i përket rezultateve si dhe paraqitjes në fushë. Përveç këtyre problemeve janë shtuar tashmë dhe telashet me formën fizike të lojtarëve.
Fabio Rodia, koordinator i stafit mjekësor të Lazios, bëri një bilanc të të lënduarve pas barazimit 0-0 me Bolognan:
“Luis Aberto filloi të vuante nga problemet gastrike”, shpjegoi ai për Lazio Style Channel.
“Sapo u zëvendësua, ai shkoi menjëherë në dhomën e zhveshjes, ndjeu të përziera, ndjeu sikur kishte të vjella… Duhej të qetësohej dhe të shtrihej për pak, Hysaj kishte një fryrje në kyçin e këmbës, por ne arritëm ta bënim të përfundonte ndeshjen falë disponueshmërisë së tij.
Immobile? Jemi ende duke vazhduar programin e rehabilitimit në mënyrën më të mirë të mundshme. Ai i nënshtrohet kontrolleve të përditshme, do të bëjmë kontrolle të mëtejshme gjatë javës për të monitoruar situatën e tij”.
Discussion about this post