Rio Ferdinand ka lavdëruar mbrojtjen e Manchester Cityt për rolin e tyre në fitoren 3-0 të së martës në ndeshjen e parë çerekfinale të Ligës së Kampionëve ndaj Bayern Munichut.
City i dha vetes një avantazh masiv në prag të ndeshjes së dytë, javën e ardhshme, falë golave të Rodri, Bernardo Silva dhe Erling Håland.
Dhe skuadra e Pep Guardiolës mund të kishte shënuar më shumë, nëse nuk do të ishte për pritjet e bëra nga portieri i Bayern, Yann Sommer.
Por po aq mbresëlënëse sa golat ishte dhe mbrotja e anglezëve duke bërë të mundur mbajtjen e portës së pastër, me katër mbrojtësit e John Stones, Ruben Dias, Manuel Akanji dhe Nathan Ake të jashtëzakonshëm në ndihmën që i dhanë portierit Ederson.
Skuadra e Thomas Tuchel tentoi disa herë me gjuajtje nga distanca, por rrezikshmëria e tyre nuk ishte e mjaftueshme për të trembur prapavijën e Cityt.
Mbrojtja e çeliktë e Citizens fitoi lëvdata nga ish-mbrojtësi i Manchester United, Rio Ferdinand, i cili ishte i impresionuar me mënyrën se si ata zbutën kërcënimin gjerman.
“Më herët folëm për kërcënimet me të cilat erdhi Bayern Munich”, tha Ferdinand për BT Sport. “Artileria ishte e rëndë dhe e rrezikshme, veçanërisht, ritmi i [Kingsley] Coman dhe [Leroy] Sane, [Serge] Gnabry nëse do luante, dhe Musiala. Akanji dhe Ake ishin absolutisht bindës në atë pozicion – ata thanë ‘hajdeni, Ne do t’ju përballojmë, nuk kemi frikë prej jush’.
Ata nuk kishin nevojë të dyfishonin në markatura, ata kishin besim të plotë në aftësinë e tyre mbrojtëse. Kjo është një diferencë e madhe, dhe sado të mirë që janë ata sjellin gjëra pozitive. Cancelo dhe Zinchenko të cilët kanë luajtur mbrojtës krahësh në vitet e shkuara nuk e jepnin këtë garanci sado që ishin të talentuar e të zgjuar në mbrojtje.
“Kjo siguri e ofruar [nga mbrojtja] më pas u lejon lojtarëve të tjerë të kenë impakt diku tjetër në fushë, kështu që në këtë kuptim ata ishin të mrekullueshëm. Blloqet e Dias flasin vetë, ai ishte fenomenal pa harruar shkathtësinë e John Stones për të lëvizur ndërmjet linjave të mesfushës dhe mbrojtjes, mendova se katër mbrojtësit ishin të mrekullueshëm”./Manchester Evening News/
Discussion about this post