Lezha “nën ujë”, ja si paraqitet situata në rrugët nacionale dhe rurale

Moti i keq ka përfshirë vendin. Disa qarqe janë përballur me përmbytje dhe bllokim aksesh rrugore, mes të cilave edhe Lezha.

Deri më tani mësohet se niveli i ujërave në lumenjtë Drin, Gjadër, Mat dhe Drojë, janë në kuotën normale.

Sipas raportimit, problematike situata paraqitet në zonën e kënetës së Kakarriqit, njësia administrative Balldre, ku janë rreth 150 ha tokë nën ujë.

Ndërkohë, rrugët nacionale dhe ato rurale dhe ato bashkiake janë të kalueshme, ndërsa nuk ka probleme as në furnizimin me energji elektrike dhe ujë të pijshëm.