I përfshirë me Sinaloan?! Luftar Hysa flet për lidhjen e tij me Meksikën

Biznesmeni Luftar Hysa u është përgjigjur nga emisioni “Opinion” akuzave se ai dhe vëllezërit e tij kanë lidhje me kartelin Sinaloa në Meksikë.

Hysa mohoi akuzat që janë bërë deri më tani nëpërmjet medias, duke thënë se në Meksikë dhe në shtete të tjera ka dhjetëra biznese të cilat ushtrojnë aktivitetin e tyre sipas ligjeve të vendit ku operojnë.

Biznesmeni tha se lajmi në median meksikane është bërë nga kundërshtarët e tij. Luftar Hysa mohoi dhe se emri tij është përfolur si i përfshirë në skandalin e Panama Papers.

A ju lidh ju gjë me kartelin e Sinaloas?

Pse duhet të vendosin ata dhe do ta shpjegoj me shumë qetësi. Historia e Meksikës është histori e bukur që për mua është histori suksesi. Nuk është hera e parë që sulmohem, por unë nuk nisem nga sulmet gazetës. Por duke lexuar atë dhe duke më parë mua këtu, nuk shkon, nuk shkon se një prerje e një njeriu si unë, unë me fjalët e kasabasë nuk merrem. Do e shpjegoj pse. Nuk merrem me temat e ditës. Është si puna e saj që në kohën e Enverit që tha do mbjellim pambuk, jo tha agronomi nuk mbillet, e morën atë e dhe e dënuan në qendër të fshatit. Një njeri nga Belçi të merret me kartelin e Sinaloas.

Të kem takuar unë El Mayo? Të merrem unë me kartele? Unë bëj vetëm biznes të ligjshëm. Çfarë ndodh? Absolutisht jo. Ky sulm ndoshta ka filluar nga kjo studio. Këtu një gazetar më ka përmendur para tre vitesh. Gazetari tha në studio se karteli i Sinaloas është futur në sherr me kartelin tjetër për shkak të  një shqiptari. Ti i the kush është ky e ai më përmendi mua. Kjo është fals, s’ka bazë. Në vitin 2010 u gjet një shqiptar Luftar Hysa nga Mamurrasi dhe kërkohej nga Interpoli dhe u lidh me emrin tim dhe në Meksikë u mor sikur kjo gjë kishte të bënte me mua. Ajo gazeta në atë kohë shkroi një artikull. Kush e bën? Kundërshtarët që janë të huajt. Para një viti e gjysmë u bë një denoncim në Meksikë dhe në botë denoncimet anonim nuk shkojnë para.

Emri juaj është përmendur dhe në Panama Papers?

Për herë të parë në Panama kam qenë në vitin 2020, kemi parë mundësinë për të hyrë në treg dhe unë aty s’kam patur një llogari bankare apo biznese. Për këto ka qenë një kompani tjetër e cila u lidh me kompaninë tonë, por që është mbyllur që në vitin 2006. Por njerëzit lexojnë në Google.