Portieri i Tiranës, Ilion Lika ka folur për mediat menjëherë pas humbjes në finalen e Kupës së Shqipërisë përballë Egnatias, me rezultatin 1-0.
“S’jam i mërzitur, uroj Egnatian për Kupën. Ne moralisht jemi kampionë, e dimë se si na e morën kampionatin s’ishte e thënë për të fol më për të.
Djemtë e mi janë kampionët e Shqipërisë, kjo Tiranë arrin të trembë kundërshtarët. I uroj shokët e mi, trajnerin, ne jemi kampionë, jemi dëmtuar ekonomikisht, presidenti ka humbur shumë.
Përshëndes tifozët dhe familjen time. Do vazhdojmë ne jemi Tirona ne do synojmë edhe sezonin e ardhshëm të gjitha trofetë e mundshëm”, tha ai për “Oversport”.
Discussion about this post