Të lindësh një fëmijë është një moment magjik, por edhe shumë i vështirë për të gjitha nënat. Është e vështirë të përshkruash ndjesitë dhe të tregosh çfarë ndodh realisht me ty dhe trupin tënd përgjatë 9 muajve, derisa mban në krahë foshnjën tënde, të cilës i dhe frymë nga fryma jote.
Pikërisht ky moment ishte në fokus të fotografëve nga e gjithë bota, të cilët ia dolën të përcjellin emocione të forta përmes fotove pa asnjë filtër apo përpunim. Fituesit e këtij viti të çmimit për “Birth Photographer of the Year”, janë foto të fuqishme dhe intime që të lënë pa frymë.
Fotografitë e rralla dokumentojnë agoninë dhe ekstazën e lindjes me detaje. “Daily Mail” shkruan se konkursi global, në bashkëpunim me Atkins Lab, u themelua nga fotografja fituese e çmimeve të lindjes, Lacey Barrat.
Qëllimi ishte për të legjitimuar më tej artin mahnitës dhe të ndërlikuar të fotografisë së lindjes. 34-vjeçarja nga Melbourne, Australi, ka qenë një fotografe e pasionuar e lindjes për 11 vjet dhe ishte një nga 14 gjyqtarët me përvojë që zgjodhi fituesit e çmimeve.
Vendi i parë iu dha Laura Brink nga Queensland, Australi, vendi i dytë shkoi për Rianna Cross gjithashtu nga Queensland, Australi. Ndërkohë vendin e tretë e mori Colby Tulachanh nga Nju Jork.
Discussion about this post