Dy deputetë të Dhomës së Ulët në Kongresin e Deputetëve të Spanjës i kanë bërë thirrje kryeministrit Pedro Sanchez ta njohë pavarësinë e Kosovës. Gjatë fjalës së tij në foltoren e Kuvendit, deputeti Aitor Esteban ka deklaruar se tashmë Spanja dhe Kosova janë përballur në një ndeshje futbolli. “Sa i përket Kosovës, njiheni sepse ka pasur ndeshje futbolli tashmë, edhe me ne gjithashtu”, ka deklaruar ai.
Ndërsa, deputetja Mertxe Aizzpurua ka deklaruar se është koha që Spanja ta njohë sovranitetin e Kosovës. “Është koha për ta njohur sovranitetin dhe legjitimitetin e Kosovës si shtet i plotë. Sepse është shtet i dalë nga dëshira e popullit. Nuk duhet t’ia kthejmë shpinën demokracisë apo vendimit të publikut, as për Ballkan, as për këtë shtet”, ka deklaruar Aizpurua. Të dy deputetët thanë se fjala e tyre për këtë kërkesë duhet të merret parasysh për t’u shqyrtuar në seanca të tjera.
Discussion about this post