“Lironi ish-presidentin”, përleshje mes protestuesve dhe policisë

Si pasojë e përleshjes mes protestuesve dhe policisë, të paktën 17 persona mbetën të vrarë në Juliaca në Perunë jugore. Informacioni u bë i ditur me anë të një raporti të ri të lëshuar nga Ombdusmani, një autoritet i pavarur përgjegjës për mbrojtjen e të drejtave të njeriut.

Përplasjet shpërthyen në zonën e aeroportit të qytetit, në rajonin Puno, i cili është bërë epiqendra e protestave dhe trazirave që nga rrëzimi dhe arrestimi i ish-presidentit Pedro Castillo më 7 dhjetor. Protestuesit kërkojnë që ish-presidenti Pedro Castillo të lirohet nga burgu dhe të shpallen menjëherë zgjedhjet.