Sonte në orën 21:00, Liverpool pret në shtëpi, skuadrën e Fulham, një tjetër klub i kryeqytetit (Londër), pas Tottenham, ndaj të cilit duhet patjetër fitorja për të mbajtur gjallë shpresën e kualifikimit në Champions League.
Kjo ndeshje është delikate për “The Reds”, prej faktit se do kenë përballë një kundërshtar, i cili bëri surprizën në gusht duke marrë një barazim 2-2 në duelin e fazës së parë ndaj djemve të Jurgen Klopp.
Megjithatë, fati i mirë (nëse mund të themi kështu) për Liverpoolin, është se autori i dy golave të Fulham, në atë takim, Aleksandar Mitroviç, nuk do jetë pjesë e sfidës për arsye pezullimi.
Në duelin e sotëm, Klopp shpreson që mbrojtja të funksionojë në perfeksion pas muajsh të tërë, ku është vënë re një dobësim i theksuar i repartit të tërhequr, mbi të gjithë Virgil van Dijk.
Holandezi nuk është më si më parë, me kundërshtarët që e kanë patur shumë më të lehtë për t’a kaluar gjigandin e mbrojtjes.
Tekniku gjerman duhet të kursejë disa lojtarë duke parë që kjo është një periudhë me takime që luhen në një afat kohor shumë të ngjeshur.
Fulham është vizitori i dytë i Anfield, nga tre ekipet që parashikohet të vijnë në hapësirën e 7 ditëve.
Ky është formacioni hipotetik i Liverpool që pritet të zbresë sot në fushë:
Alisson; Alexander-Arnold, Matip/Konate, Van Dijk, Robertson; Henderson, Fabinho, Jones; Salah, Gakpo, Jota/Nunez
/m.b /gijotina.com
Discussion about this post