Kryetari i Bashkisë Elbasan, Gledjan Llatja, nuk iu ndahet tenderëve të dyshimtë dhe me “Red Flag”. Madje në prokurimet që i zhvillon në shkelje të ligjit derdh më shumë lekë. Këtë herë, Llatja do të shpenzojë 1.2 miliardë lekë për rojet e Ujësjellës -Kanalizimit në Elbasan dhe për të sistemuar parkimin në qytet.
Më 3 mars2023, Llatja ka mbyllur tenderin me objekt “Shërbimi i ruajtjes dhe sigurisë fizike për Ujësjellës Kanalizime”. Për disa roje në këtë institucion Llatja do të shpenzojë 864 milionë lekë! Kaq ka ofruar firma e paracaktuar si fituese për këtë tender.
Themi kështu, pasi në dokumentin e publikuar tregohet se është paraqitur vetëm firma “MYRTO SECURITY” sh.p.k, në pronësi të Hysni Myrtajt. Po të kemi parasysh numrin e madh të shoqërive të policisë private, tenderi duhej përsëritur. Llatja nuk i ka anuluar procedurat, sikur e kërkon ligji “Për Prokurimet Publike”, por ia ka dhënë kontratën Myrtajt pa garë fare.
Ndërkohë shohim se fondi limit i vendosur paraprakisht ishte në vlerën 870 milionë lekë, ndërsa oferta e Myrtajt në vlerën 864 milionë lekë. Pra oferta është sa 96% e fondit limit, çka përbën një tjetër shkelje të Prokurimit Publike.
Kështu, për rojën e objekteve të ujësjellësit Llatja paguan 864 milionë lekë, jep tenderim pa garë dhe ofertës më të shtrenjtë! Tri shkelje që duhej të merrnin penalitete. Por, Llatja i shpëton gjithmonë rrjetës së organeve të kontrollit dhe atyre të hetimit.
368 milionë për parkimin
Ndërkohë, Llatja zhvilloi edhe një tjetër tender. Bëhet fjalë për prokurimin me objekt “Sistemi i menaxhimit te parkimit publik “. Qyteti i Elbasanit nuk njihët për ndonjë problematike në lidhje me parkimet. Por, edhe nëse ka nevojë për sistemim, përse Llatja u kujtua kaq vonë për këtë shërbim kaq të rëndësishëm?!
Kryebashkiaku u zgjua tani që po afrojnë zgjedhjet, dhe i mbyll kontratat shkel e shko: Në shkelje të ligjit dhe me shpërdorim fondesh. Edhe këtë kontratë Llatja e ka dhënë pa garë. Firma “AlbaScan” Sh.p.k, në pronësi të Elton dhe Elision Jorgjis, ka qenë e vetmja që ka paraqitur ofertë.
Ndërsa oferta e tyre ka qenë 368 milionë lekë, sa 99% e fondit limit, Llatja ka firmosura në mënyrë urgjente kontratën.
Në këtë mënyrë Llatja shpenzoi 1.2 miliard lekë për rojet dhe për parkimet në Elbasan. Qyteti vuan nga papunësia, problemet sociale dhe ndotja e mjedisit, por kryebashkiaku paska axhendë vetëm përvetësimin e fondeve duke ua xhiruar kompanive të privilegjuara!
Lexo edhe: Llatja firmos një tjetër tender për Hastoçin, i fal 176 mln lekë për riparim rrugicash
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post