Këngëtari me famë botërore, Enrique Iglesias ka hequr dorë nga pasuria e të atit, artistit tjetër të madh Julio Iglesias.
Edhe pse të dy ndoqën një rrugë të ngjashme karriere, marrëdhënia mes tyre është e ftohtë dhe prej kohësh nuk kanë asnjë kontakt.
“Enrique është i bindur se ia doli në muzikë pa ndihmën e babait të tij”, shkruan El Nacional i Spanjës, duke shtuar se ai ka vendosur të heqë dorë nga pasuria që do të kishte trashëguar si një nga tetë fëmijët e Julio Iglesias. Arsyeja për këtë është padyshim se vetë Enrique ka xhepa të thellë, pasuria e tij llogaritet në njëqind milionë euro, dhe pasuria e partneres së tij, ish-tenistes Ana Kurnikova, 60 milionë euro.
Ndërkohë, pasuria e Julio Iglesias llogaritet në rreth 800 milionë euro dhe vetëm një pjesë e ka fituar si këngëtar. Spanjolli legjendar, ndër të tjera, ka investuar në pasuri të paluajtshme në Republikën Domenikane, dhe gjithashtu zotëron markën e tij të vodkës, disa restorante dhe aksione në kompani kozmetike.
Discussion about this post