Nënkryetari i grupit parlamentar i PD-së, Luçiano Boçi, u shpreh sot i sigurt se rritja e çmimeve në vendin tonë nuk vjen për shkak të krizës energjetike, por si krizë menaxhimi nga ana e qeverisë.
Gjatë një interviste televizive, ai u shpreh se kreu i qeverisë përdori të njëjtën formë edhe për përballjen e efekteve të pandemisë dhe pasoja të tërmetit. Sipas tij, Rama, me daljet e tij, vetëm shkakton panik te qytetarët, dhe se nuk paraqet asnjë plan për t’i bërë ballë krizës.
“Është krizë qeveritare në bazë të korrupsionit galopant. Rama, përgjatë këtyre viteve, krizën e ka përdorur për të forcuar pozitat e tij në qeveri. Kështu veproi edhe me tërmetin, në të njëtën formë me pandeminë, dhe kështu po vepron e tani. Bën sikur merr masa të shëndetshme në raport me popullsinë. Do të vazhdojë t’i grabisë në forma të tjera. Është krizë keqmneaxhimi në raport me burimet që ka Shqipëria. Rama nuk ka argumente të mbrohet, vetëm krijon panik, siç bëri me pandeminë”, tha ai
Ndërsa për përplasjet brenda PD ai tha se, pjesëmarrja e tij në Elbasan tregoi se kë mbështet ai në të vërtet.
“Është një çështje e brendshme e PD. Opinionin e kam folur me prezencën time. Është për një qëllim shumë më madhor, shkon përtej zotit Berisha e Basha, për bashkimin e PD”, tha ai.
Ndërsa e shprehur hapur mbështetjen e tij për Berishën, duke thënë se vetëm kështu mund të ringrihet PD dhe qytetarëve t’u rikthehet shpresa.
