Presidenti turk Tajip Erdogan do të flasë me homologun rus Vladimir Putin të dielën për të diskutuar luftën në Ukrainë, sipas një deklaratë të zëdhënësit Ibrahim Kalin.
Kalin tha se Turqia ishte gati të ndihmonte në zgjidhjen e krizës. Ai u tha gazetarëve se Turqia do të ishte e gatshme të ndërmjetësonte bisedimet midis Ukrainës dhe Rusisë dhe bëri thirrje për ti dhënë fund luftimeve.
Ai gjithashtu përmendi faktin se Turqia nuk mund të prishë marrëdhëniet as më Moskën dhe as me Kievin. Bombardimet ruse mbi Ukrainë janë intensifikuar shumë ditët e fundit ku numri i viktimave dhe i të plagosurve është rritur tej mase.
Discussion about this post