Pas mbylljes së raundit të tretë të fazës së grupeve të Champions, Europa dhe Conference League ditën e sotme do të kthehen ndeshjet e kampionateve vendase.
Sot në orën 18:30 Torino do të përballet me Genoan për ndeshjen e vlefshme të javës së nëntë të Seria A. Portieri i Kombëtares shqiptare, Etrit Berisha pritet të luajë që nga minuta e parë, pasi së fundmi është duke kaluar një periudhë shumë pozitive.
Gardiani ‘Kuqezi’ pati një performancë shumë të mirë me Kombëtaren në ndeshjet kualifikuese të Botërorit dhe kjo nuk ka sesi të mos i ketë rënë në sy stafit të Torinos.
Aktualisht Torino renditet në vendin e 12 me tetë pikë, ndërsa kundërshtarët e tyre të kësaj sfide janë në vend të 18 me gjashtë pikë./K.T/Gijotina.com
